開學日，過完兩個月悠長假期，學生都係時候返學，今日洗米華大女周梓潼（Virginia）喺英國開學，洗米嫂Heidi都陪實送囡囡返學。

洗米嫂今早喺Instagram貼出二人合照，留言：「今天生日的baby加上第一天入學，超唔捨得。」洗米嫂早前舉家歐遊，之後就去英國，陪伴大女辦開學嘅嘢，陪大女一陣，就要返嚟，雖然話o依家科技發達，不過冇得成日攬住個女，始終會心掛掛、唔捨得。

之不過今次洗米嫂po相就未有老公洗米華份(新聞連結： http://bit.ly/2ensgKy )，之前洗米華同Mandy Lieu喺倫敦機場現身，雖然洗米華同機出發，分道揚鑣(新聞連結： http://bit.ly/2x3mXKR )，Mandy獨自離開倫敦外遊，而洗米華就去join家人嘅聚會，洗米嫂貼咗張「光明正大」嘅家庭相去寸Mandy(新聞連結： http://bit.ly/2ensgKy )。睇嚟喺「周太只得一個」嘅承諾下，洗米嫂將專注力放晒喺家庭同事業上，而早前有傳因為Heidi現時喺英國，Mandy被洗米華「放逐」。未知係唔係要等周太返澳門，Mandy先返倫敦呢!?