當年今日
關於我們

用后冠誘佳麗大戰三百回合
白韻琴爆電視台高層淫史

蘋果日報 2003/07/21 00:00


近期圈中人對樂壇貪污案議論紛紛,白韻琴昨日透露當年曾有電視台高層向候選佳麗暗示,若肯陪高層睡覺,就可以獲得冠軍。白韻琴更表示見過不少娛樂圈貪污事件,她認為在娛樂圈想紅,就一定要「瞓身」。
謝偉俊(阿Paul)昨日出席元朗八鄉原居民村長選舉諮詢大會,阿Paul是八鄉原居民,他前來解答居民的問題,身為女友的白韻琴自然陪同男友出席。
白韻琴主動提及最近樂壇貪污案,並大爆當年曾有電視台高層淫魔要求選美的女孩「陪瞓」。

「天下烏鴉一樣黑」
白韻琴說:「嗰陣時已經有啦,都唔係秘密,天下烏鴉一樣黑,睇吓貪得多定貪得少啫。出賣肉體都係其中嘅一部份,不過金錢先係最多嘅。」
白韻琴續道:「我舉一個例,當時有個電視台高層,同一個選美嘅女仔講,話發夢同個女仔大戰三百個回合,共赴巫山,然後個女仔就做咗冠軍,佢咁講,即係暗示個女仔肯就可以做冠軍,後來個女仔同我講咗呢件事。」
其實當年電視台有很多類似的傳聞,其中更有傳一名高層用辦公室作陽台,事件被揭發後,該高層在壓力下離職。而鄭裕玲早前接受訪問時,亦透露以前曾有電視台高層要求她出席飯局應酬,結果被她拒絕。

「想瞓身都冇人要」
白韻琴說:「呢啲嘢見唔少、聽唔少啦,不嬲都係咁玩啦,係唔公平,但又可以話係公平,有錢咪公平咯。𠵱家做娛樂圈要紅,要雙瞓,瞓身搵錢,瞓身做嘢,最緊要瞓身,即係陪人瞓覺同人上床,我𠵱家咁老又冇嘢做,想瞓身都冇人要啦。」
白韻琴認為傳媒受賄應判重一點,她說:「傳媒人除咗要對公司負責,亦要向大眾負責,而賄賂人嘅,除咗要有本事,自己都要承受啲風險㗎啦。」
採訪、攝影:汪正文
empty
白韻琴和男友謝偉俊形影不離。
empty
鄭裕玲曾透露有電視台高層要求她出席飯局應酬。