亞洲亞洲喺愚人節前夕咁大整蠱，老屈王維基做白武士，你覺得呢件事好不可思議咩？正如張家輝講過，「＿你個＿！亞視嚟嘅喂！」亞視新聞因為王征命令，而亂報新聞，已經唔係第一次。

要數最經典一定係2011年7月，同樣喺亞視傍晚六點新聞以及夜間新聞，都報道江澤民病逝消息。仲玩大到將台徽轉為灰白色（然後橙色…再轉灰白色…如事者，唔知幾多次），以示哀悼。點知唔名24小時內，亞洲亞洲就要撤回新聞當冇講過兼夾道歉。當時有指，亞視之所以咁報，係收到江澤民親戚，即係王征「指示」。

值得一提係，當日夜間新聞負責報道江澤民死訊嘅主播陳興昌，正正就係噚日六點鐘率先報道王維基買亞視單新聞。兩次都俾王征Fake，真係要用吳君如腔講一句：「乜又係你呀？陳生。」唔講你可能唔知，陳興昌係現任「亞洲電視新聞及公共事務部助理副總裁」。