踩場支持新書嘅Tree根對變成喪屍嘅自己唔多滿意噃,「我真人靚仔啲,皮膚都滑溜啲啦!」但為咗支持本土創作,雖然形象有啲誇張都會接受,仲喺公仔腳邊扮喪屍,高叫:「嘩,發夢都諗唔到啦!咁紅!多謝晒!」佢笑指香港現時都有病毒感染,豪言要向立會議員每人送一本,首要係送畀大主席,「佢多橋嘛!等佢醫吓香港」。
項目總監張志偉話,今次創作全屬香港製造,覺得香港漫畫唔可以再悶嘞,希望大家多多支持,「唔好等人紅咗先發展其他嘢」。Tree根知道漫畫會開拍真人版後,耍手擰頭話唔可以喺電影中現真身,皆因自己唔識做戲喎,佢其後仲去咗VR區打自己(喪屍),真係瞓身支持。