港股連升6日後，昨日終見獲利回吐，期指全日跌193點，兩隻領先股和記黃埔（013）及港交所（388）創一年高位後亦倒跌收場，大市似有調整勢頭。連續兩家大地產商配股集資，難免影響市場氣氛，加上在整數關口之前，投資者總會先行套點利，因此25000關前有沽壓實屬正常。
昨日有傳內地加存款準備金率，亦對大市造成壓力，執筆時消息尚未證實，但即使真加士佳都不會驚奇，因為內地早已受通脹困擾，早前加息顯示中央收緊流動性意圖明確，美國推出QE2後，熱錢流入將更嚴重，但短時間內再度加息恐會嚇窒市場，因此加存款準備金是較為理想的微調做法。
不過，即使大市借消息下調，應改變不了中長線上升的格局，尤其見創業板股票才剛起動，與大牛市雞犬皆升的情況相距甚遠。在資金充裕下，投資者暫時毋須對每次跌市過份擔心，反而唔好見跌就被震走。
QE2其中一個目的是製造通脹預期，既然投資者見揸現金會貶值，就會投資股樓等市場，但股市風高浪急，買樓的資本要求又高，黃金便為投資者帶來契機。

較易計回報風險

傳統上，投資者認為黃金有保值作用，現時全球貨幣爭相貶值，投資者寧揸實物都唔揸銀紙，即使近日美元稍為回升，都無礙金價續創新高，但炒金上落大、風險高，並非一般投資者可承受。
若長線看好金價，不如諗諗金礦股，既可享受黃金升勢，每家公司的基本因素亦有迹可尋，較易計算回報及風險。至於揀邊隻股，大家可自行做功課，不過士佳就一定唔會揀紫金礦業（2899），因之前幾次污水洩漏事故令我難對其管理層投下信心一票，即使他日股價飛升，都唔會可惜。

張士佳
寶來證券（香港）董事　投資服務部
mailto:[email protected]