黃秋生、衛詩雅與陳佩思前晚在奧海城出席電影《失眠》首映，提起中國MMA格鬥狂人徐曉冬批評「中國傳統武術都是假的」，向武林發戰帖後卻失蹤，又龜縮取消記者會，秋生說：「呢啲咪瀨嘢，佢呢啲叫少年輕狂，實瀨，我係大師點會同你打，佢係無名小卒，贏咗你都係無名小卒，輸咗輸埋個名，如果咁打得咪出嚟比賽囉！」

學武術提升修為

秋生續說：「我覺得佢係嚟抽水，應佢都儍啦，佢都黐線，應該用正途去顯示實力，其實武術除咗打之外，仲有一個哲理，係提升自己個人修為，最重要以德服人，以德服人者仁，以力假仁者霸！」
此外，陳佩思之前拍戲疑因人為錯失誤吞藥物，搞到入ICU，前晚她重提此事：「嗰日收工覺得唔舒服，好眼瞓，助手送入醫院，好快出返嚟，醫生話可能對啲藥物敏感，嗰啲唔係安眠藥，係真藥，份量係多咗，我以前都唔知對呢啲物質敏感，但係乜嘢藥唔想講，我覺得關乎私隱。」她又說人為的錯有好多種，相信給錯藥的人不是有心傷害。
採訪：王連連
攝影：仇志德