正當馬逢國同葉劉淑儀同香港電影人講，叫大家向北望，背靠大陸市場拍合拍片，講到本土電影冇市場咁。

不過剛公佈嘅第三十四屆香港電影金像獎提名名單，香港電影大放異彩，包括陳果執導《那夜凌晨，我坐上了旺角開往大埔的紅Van》、鄒凱光執導嘅《金雞SSS》(提名最佳女主角、女配角、新演員及電影原創歌曲)、《雛妓》(蔡卓妍獲提名最佳女主角)，甚至葉念琛嘅《Delete愛人》，一一榜上有名。

眾香港電影中，《紅Van》獲8項提名，包括最佳電影、導演、編劇、男女配等等；合拍片背景但講香港故事嘅《香港仔》有7項提名，包括最佳電影、編劇、男配、新演員等獎項。其中「本土到不能再本土」嘅《點對點》，亦獲最佳新演員同新晉導演兩項提名。

故事來自香港嘅《魔警》，仲有鄭丹瑞執導、香港道地愛情故事嘅《分手100次》，雖然屬合拍片，但全片以上環取景，保留横街小巷香港小城舊觀，感覺清新，毋須向內地市場獻媚。

提名名單:
http://www.hkfaa.com/winnerlist.html