經典日劇《阿信的故事》女主角田中裕子來港演出舞台劇《蜷川馬克白》，令本地影迷終可一睹其風彩。現年62歲嘅田中裕子於1978年開始展開演員生涯，憑住1983年嘅NHK晨早劇《阿信的故事》揚名亞洲，當年劇集第186集於日本創下62.9%驚人收視，全劇297集亦有52.6%平均收視。

田中裕子演藝成就唔止得《阿信的故事》，其參演嘅影視作品接近100套之多，近年演出日劇包括《東京鐵塔》、《愛母罪》等，7年前為中日合作電視劇《蒼穹之昴》飾演慈禧太后。田中裕子年輕時曾作大膽演出，更全裸露點，而佢亦多次獲頒影后殊榮，1983年電影《跨越天城山》更為佢贏得第7屆加拿大蒙特利爾國際電影節嘅最佳女主角，同時亦在台灣舉行嘅第28屆亞太電影節首封影后，夥拍已故影星高倉健嘅《只為了你》以及電影版《深夜食堂》都有在香港上映。