世界盃係四年一度,不論你係咪球迷都好,都會捱眼瞓欣賞下賽事。
好少安坐家中睇電視嘅蔡卓妍(阿Sa),今朝凌晨1點半左右,竟然唔怕無綫小器,喺微博大鬧無綫,留言:「好可憐!難得能在家看世界盃...今晚還有我支持的阿根廷和德國...但發現竟然不能免費收看?!一定要買收費的頻道才可以看!什(甚)麼回事?!一年甚少在家又甚少看電視的我,真的要付錢看世界盃嗎?反而前幾天在杭州工作...一打開電視就有了!我現在的心情是傷心加憤怒!」阿Sa仲整多兩個憤怒公仔樣添!
阿Sa,冇計啦,無綫只係會播22場免費直播,想睇其他就要畀錢睇。
雖則話有競爭係好事,但做到咁壟斷,受害者永遠都係香港市民。
而且世界盃係體壇大事,全世界都應該係一份子,做到要收費,容乜易遲啲連奧運都要俾錢睇?國際足協FIFA好應該要正視問題呀!