端午節雖然過咗個幾月,但喺旅發局同香港龍舟協會首次合辦嘅「香港龍舟嘉年華」,就仍然有睇頭。當中嘅國際龍舟邀請賽係相隔5年後再辦,由沙田城門河搬到尖東對開嘅維港舉行,總共有近200支、嚟自12個國家地區嘅隊伍參加,係歷年最多。
除咗賽龍舟之外,今年仲增設「划浴缸」大賽,兩人一組,鬥快完成100米賽事,當中有兩場專為傳媒而設,分別由來自菲律賓嘅「DailyInquirer」同埋深圳電視台奪冠。
本地傳媒噚日都有參賽,喺中午嘅龍舟賽事,香港寬頻同埋無綫電視fight低韓國同澳洲等地嘅其他隊伍,分別贏得冠軍同亞軍。
大會估計,由上星期五起嘅一連三日活動相當旺丁,總共吸引超過11萬人參觀。