韓國男星李秉憲遭女團GLAM成員Dahee以及女模特兒李智妍以不雅短片勒索50億韓圜（約3,800萬港元）嘅案件，自月中開始後，涉案嘅Dahee已先後交咗5次反省書，但李秉憲嘅代表律師懷疑女方別有用心。

根據首爾地方法院嘅網站顯示，Dahee分別於17日、21日、22日、24日以及噚日一共向法院提交5份反省書，請求法院從寬處理，不過李秉憲嘅代表律師表示無法理解女方此舉嘅意義，認為女方並非真心反省自己犯下嘅錯，懷疑對方別有用意。

法院將於下月11日第二次開庭審勒索案，據知法院已向李秉憲發出要求佢出庭作證嘅傳單，不過李秉憲嘅代表律師否認消息，表示會喺真係收到傳單後再決定會唔會出庭。