梁齊昕睇完李逸朗音樂會後，近十點半左右，齊昕乘坐七人車離開，其間齊昕被記者重重包圍，唔少市民八卦佢係邊個嚟，有市民就話：「哦﹗特首個女。」

齊昕七人車駛往西環一間雞蟹煲宵夜打邊爐，其間齊昕被前英皇高層Kitty媽傍實，而齊昕亦經常騷隻左手，傷痕顯而易見，而齊昕落車時被問隻手係咪受傷？點受傷？係咪自己鎅？佢全部都冇回應，就同Kitty媽入咗去餐館，原來佢哋Book咗房嘆宵夜。