當年今日
關於我們

吳宇森口快快 話內地拍戲似玩權力遊戲

蘋果日報 2013/04/24 06:00


之前因病而休息近一年嘅導演吳宇森,噚晚復出亮相第三屆北京國際電影節閉幕禮,今日又喺北京電影學院出席「中美國際電影大師課暨產業高峰會」,並擔任演講嘉賓。

提到中國電影發展,吳宇森話中國電影好賣錢,亦都有好多優秀人才,反而題材就好少,然後佢仲口快快話: 「幾乎拍同一類型的電影,電影圈很亂,不像是拍電影,像是玩權力遊戲。」

咪住先,吳宇森最近落實咗,話會開拍一套抗日電影,講述二次大戰時期中美空軍合作抵禦日軍嘅新作,內地版會係分上下集。依家吳導講真話,會唔會影響投資者0架?