現年38歲日本女星國仲涼子前日報喜，透露正為35歲老公向井理懷有第二胎，佢只話啱啱進入安定期，但就冇講幾時係預產期。

據最新一期雜誌《女性自身》報道，國仲涼子現時大約懷孕五個月，預產期係出年2月，向井理同國仲涼子得知將為囝囝添細佬妹都好開心。向井理正同松山研一合作舞台劇《骷髏城之七人》，公演會去到11月，不過消息指向井理知道太太國仲涼子再度懷孕，都想幫輕太太，即幫手做家務同照顧囝囝，平時都會煮嘢食嘅向井理，o依家好多時都係由佢負責買餸煮飯。而國仲涼子於丈夫幫忙之下，亦希望到1月臨盆先停工，現時國仲涼子仍忙於與中谷美紀合作劇集《單戀》拍攝，之後佢就會做一啲冇咁辛苦，好似配音之類嘅工作。