英國搖滾殿堂滾石樂隊（TheRollingStones）主音米積加（MickJagger）嘅設計師女友L'WrenScott，今年3月喺紐約住所吊頸逝世，令米積加好傷心。但係，近日米積加似乎已經走出咗陰霾！

佢喺過去嘅周六被人影到喺瑞士嘅酒店露台同一名神秘女子好親密！據英國《太陽報》報道，滾石樂隊上周日（1日）喺瑞士開騷，開騷前70歲嘅米積加喺夜店識咗位相當年輕嘅啡髮女子。米積加同呢位神秘女上周六（31日）朝早被人影到齊齊喺酒店露台睇風景，笑得好開心咁。到下午米積加就自已一個，赤膊坐喺露台講電話，晚上就再同女伴換咗衫企喺露台。直至第二日星期日嘅中午，米積加同女伴齊齊着咗鬆身T恤坐喺露台，且頭髮凌亂！女伴仲從後親吻米積加嘅頭，睇來米積加已經搵到第二春喇。