今年香港六月圍城，連續兩個周日有過百萬市民上街反引渡惡法，無非都係要保住香港既有嘅自由同民主等核心價值，唔畀政府硬推《逃犯條例》修訂而一鋪清袋。而喺港人繼續要求當局撤回惡法之際，今日馬場內唔少工商政界話題離唔開修例風波，唔少商界擔心惡法若通過，香港向有國際地位不保，外國投資者信心盡失，私下都慶幸暫時抵擋惡法，令香港可以照舊「馬照跑」。其中有政圈馬迷就賽事剝花生，話今日沙田馬場第一場五班草地1,200米賽事結果，好有「政治啟示」，因為最終竟然由利敬國策騎嘅「自由旺」爆冷獲勝。「自由旺」，又真係幾切合香港近期時局發展喎，而市民最初上街，都未必有信心扭轉大局，點知最後由香港人跑出。

花生友仲提醒八方，有隻叫「大灣駒」嘅團體馬，今個馬季跑咗4場都係大敗，據報4次加埋輸咗成40幾個馬位，標準評分不斷下降。喺政府力推「大灣區」之際，呢隻「大灣駒」咁嘅「戰績」，唔知高官私下會唔會講句大吉利是？相反唔被睇好嘅「自由旺」突然應景爆冷彈起，睇嚟馬場嘅「賽果」，聲稱再聽民意嘅港府，都唔可以忽視噃。

-----------------------------
民陣G20「Free Hong Kong」集會
日期：6月26日（三）
地點：愛丁堡廣場
時間：20:00-21:00
-----------------------------

登記做選民 7月2日截止

登記方法：
。親身取表填寫及郵遞
。網上登記（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

市民可從以下網址查閱選民資格： https://bit.ly/1PAPC7N

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX