當年今日

傳黎明名車贈佳人
柏芝澄清血汗錢買Benz跑

蘋果日報 2002/01/25 00:00


昨日有雜誌指陳曉東向朋友吐苦水,指張柏芝的六十萬平治跑車是黎明所送。柏芝透過經理人公司回應指報道無聊,並相信東東不會做出此事。東東的經理人則指報道傷害了東東。
昨日有雜誌指張柏芝早前買的六十萬開篷平治跑車CLK320,乃黎明所送。而消息的來源,則是陳曉東向友人吐苦水而傳出的。另外報道又指柏芝主動約會陳小春,二人經常相約燒雞翼和食麻辣火鍋。

柏芝傷勢好轉
本報查過柏芝平治跑車的車輛登記,原來由張柏芝名下公司PioneerAceLtd擁有,在去年七月份購買。
對於以上報道,張柏芝經理人公司發言人李小姐昨日說:「好無聊,由頭到尾柏芝都係辛辛苦苦靠佢自己嘅能力做嘢,佢真係唔想拖黎明、陳小春同謝霆鋒落水,製造咁多緋聞男友出嚟。至於話係陳曉東放風,佢亦唔相信陳曉東會咁做。柏芝𠵱家已經好番好多,行幾步都唔需要再用鐵架支撐,希望過幾個月之後可以好番晒。」
另外,黎明昨日在北京出席「黎明宣傳世界盃主題曲音樂電影挑選男球星」記招。他表示昨日是宣傳世界盃主題曲,所以對於其他問題一概不作回應。

報道傷害東東
陳曉東經理人羅嘉慧昨日則在電話中說:「人哋(指柏芝經理人)都回應咗啦,呢啲報道好無聊,不值一提!唔使問我,問番編劇啦!呢本雜誌傷害咗東東好多次,我哋以後都唔歡迎呢本雜誌嘅採訪。柏芝唔係維護東東,佢只係講事實。」至於報道指東東沒有工作,羅嘉慧說:「東東𠵱家喺內地拍緊電影《北雁南飛》,下半年嘅工作已經計劃晒,但唔使向呢啲雜誌交代。」