準新娘朱慧敏今日出席西寶城一個賀年活動，穿上一條貼身桃紅色旗袍，似要為懷孕傳聞僻謠，佢撐住腰笑說﹕「你話呢？之前有好多人恭喜我，但已解釋只係肥咗，但冇人信，惟有努力keepfit。」朱慧敏又向現場記者派利是，但裡面唔係錢﹕「因為我未結婚，所以派住餐廳代用卷先。」

朱慧敏透露將於明年結婚，雖然佢鍾意外國嘅陽光與海灘，但未婚夫Eddie(彭迪安)就希望喺香港擺酒。問到求婚過程？朱慧敏話﹕「佢求過幾次，我好鍾意花，但拜山嗰次係送畀阿媽。之前我哋一齊行花市佢又求婚，今次有花收嘞，但紮花係我揀。」

提起就快做人妻，朱慧敏直言不捨家人，提起時眼濕濕﹕「依家就快做人太太、做人新抱，唔知自己做唔做得嚟，最近開始掛住婆婆同媽咪。」