【本報訊】社民連反對民主派選委策略性「過票」予前財政司司長曾俊華，早前力數「薯片叔叔四大罪狀」，惹來同陣營強烈反彈，質疑社民連狙擊曾俊華只會令林鄭月娥當選。陳德章自言非刻意反對曾俊華，他們亦不支持林鄭月娥，「但泛民值唔值得將自己政治本錢放落去？投注落去，呢個會輸，你係翻唔到身，冇得話投降輸一半」。

「當選一定做唔到嘢」

他解釋反對民主派選委提名曾俊華，因為民主派即使有300多票，但只要共產黨手握逾601票，已經大局而定，「（有言論指）等埋曾俊華入閘會有變數，但阿爺揸住張係必勝嘅牌，派牌落邊個度嗰個就得」。
他亦坦言曾俊華在政府多年，不見得有作為：「（曾若當選）一定做唔到嘢，一定有機會推23條，一定有機會做好多Ｘ街嘢。8.31框架去重啟政改，到時你點？你有份投畀佢，到時仲益咗激進派、本土派嘅力量。你咪去傾，去休養生息。」他指民主派一旦支持曾俊華，輸是早已注定的結局，甚至會被鬧足5年，為何要在小圈子選舉下，明知敗局仍要下注。
■記者陳雪玲