AGA（江海迦）年初推出嘅大碟《Luna》、首張專輯《Ginadoll》及《Ginadoll Concert Live》分別取得白金唱片和兩金唱片嘅驕人成績。

今日AGA喺中環舉行唱片報捷會，其父母更特別由澳洲飛嚟香港支持，活動中，唱片公司高層黃劍濤向AGA送上「ADD迦」燈牌。

入行5年嘅AGA表示噚日先知道有咁好成績，佢話：「好畀心機去做，但冇諗過成績會點樣，由細到大，爸爸教我聽唔同音樂，我好想將唔同音樂放喺廣東歌上，今次呢張碟有好成績，真係好鼓舞，其實每首歌寫完，我會畀爸爸聽，佢對我好嚴格，唔會呵護我。」會唔會同爸爸合作？佢笑住表示：「會想，我哋喺澳洲嘅時候，都會一齊寫歌，所以爸爸對我嘅音樂事業上嚟講，係一個好重要好重要嘅人。」

問到AGA點慶祝？佢表示會請成班同事食飯，並透露7月開始，將喺佛山、東莞及廣州舉行演唱會，會唔會入紙申請紅館？佢話：「O依家計劃緊，但我好希望寫多一隻碟先。」

精選娛聞，喺晒《娛果》
http://fb.com/appledailyent