現年38歲嘅韓國搞笑藝人劉相務，前年曾爆出性侵醜聞，事後被判無嫌疑。去年被確診患大腸癌第三期，幸好接受手術及抗癌治療後已經漸漸康復。

劉相務喺抗癌期間與作曲家金延智熱戀，金延智亦一直陪住劉相務抗癌，兩人患難見真情，今年4月宣佈將於今個月28號拉埋天窗。兩人亦已於上月拍攝婚照，而日前劉相務就喺Instagram公開片段，當中劉相務攬實喊緊嘅金延智，兩人都相擁而哭，劉相務留言：「檢查結果出來了，親愛的。我說沒事，真的非常感謝，現在可以安心結婚了。」

劉相務喺之前受訪時曾提及自己患癌時不敢想像自己結婚，直到身體完全康復時，佢先有結婚念頭，加上金延智亦鼓勵佢話結婚後陪佢一齊接受治療，最終佢先決定結婚。而喺結婚前，佢就接受身體檢查，日前檢查結果出籠，話佢健康已沒有大問題。

精選韓流，喺晒《娛果》
http://fb.com/appledailyent