一個聲稱走介乎民主黨同民建聯嘅中間路綫，名為「港人民權民生黨」嘅政黨正喺度籌組之中。
呢個未成立嘅政黨似乎都幾「騎呢」，但政綱睇落又有啲諗法，例如話將市民同政府比喻作住客同大廈管理公司，立法會議員就係立案法團。不過，住客業主有權叮走唔滿意嘅管理公司，咁我哋香港人又有乜辦法叮走唔掂嘅政府呢？
講番呢個籌組中嘅政黨，個黨嘅主席名叫蕭思江。佢較早前因為睇唔過眼扎鐵商會唔肯同工人坐埋談判，向區域法院申請司法覆核。蕭思江同八方講，佢哋個黨稍後會招收會員，目標係下年派員參與立法會選舉，就算對住陳太或者葉劉都唔驚喎。