韓國女團GFriend下月16日襲港，舉行由美亞綜藝、本地舞台及輝皇娛樂主辦嘅《2017 GFriend Mini Concert in Hong Kong》演唱會，之前佢哋已經拍片大講廣東話高呼「我愛你哋！」冧港迷，今日主辦決定再派福利，繼之前宣佈持VIP門票嘅粉絲可以跟GFriend擊掌後。

今日主辦再度宣佈持有VIP門票嘅粉絲有機會獲得成員親筆簽名寶麗萊，同時全場觀眾都可以獲得GFriend精美明信片做禮物。

日前韓國方面傳出GFriend將於下月尾回歸，唔少粉絲都十分期待今次回歸佢哋會唔會走性感風，事關成員Eunha亦曾透露唔介意走性感風，所以更加令粉絲期待。