中國保綠資產(397)太陽能業務,開始步入收成期,趁股價仲喺半年低位買入,博佢發熱發亮。保綠嘅綠色環保股中唔起眼,但集團09年已開展太陽能光伏業務。旗下合營公司位於鄭州光伏組件生產線,喺上年10月搞掂晒,已經埋位投產。
又保綠喺上年11月,以5億銀收購鉑陽(566)CB。後邊鉑陽,同樣投資太陽能光伏業務,啱公佈2010年度業績,就爆升近4倍到近12億銀。保綠投資落呢個超吸引同業身上,一旦落實兌換股份,中線嚟自鉑陽股本增值,保綠肯定肥過肥仔水。趁保綠喺半年低位,股價反映收成期利好因素前,吼吼無妨,博保綠上番1倍PB到0.25元,現價0.174元,升幅43%。