韓劇《製作人們》女星兼歌手IU，早前慘被網民佢嘅出騷照片改成意淫圖，認真慘慘豬，而IU方面亦唔會對呢啲行為屈服，佢哋話會向散布照片嘅網民採取法律行動。

不過對於被指係最初發佈者嘅網民，就話自己係冤枉，因為佢唔係第一個發佈照片嘅人，IU方面就話會搜集資料後，再進行調查先再作定論。

年僅22歲嘅IU本身吸金力勁人，喺噚日播出嘅tvN綜藝節目《名單公開2015》中，就公開咗「經歷困境走向成功嘅明星」名單，IU就被爆單係2010年，就勁賺6,800萬港元，認真犀利，亦令佢成功排第七位。而第一位係韓片《我班Friend好搞嘢》嘅男星任昌丁，第三位係《最佳愛情》男星車勝元。

另外，IU早前推出新歌《TwentyThree》，近日佢呢首歌就被指歌曲中一部份音樂，有抄襲美國女歌手BritneySpears嘅歌曲《GimmeMore》之嫌，而IU嘅事務所就話：「我哋已聯絡咗了BritneySpears嘅經理人公司，查明呢啲素材係唔係有合法版權，如果確認咗係冇合法版權，我哋將會盡快對《TwentyThree》進行修改，從歌曲中清除呢部份素材。」