【新增圖片】
每年除夕夜，韓國演藝圈都非常熱鬧，皆因三大免費電視台都會舉行年度盛會，今晚三大台就分別舉行《KBS演技大賞》、《SBS演技大賞》及《MBC歌謠大祭典》，眾星出席活動前都先現身紅地毯，唔少女星都盛裝出席，以性感造型搶鏡。

當中28歲女星車珠英現身《KBS演技大賞》紅地毯時，就穿上tube dress谷胸現身，本身已經好性感嘅佢，似乎因為怕走光而不時伸手拉衫領，又用手摸胸，性感衣着加上出位行為，令佢成功搶鏡。

KBS韓劇《推理的女王2》女星趙宇麗，亦以低胸露半球嘅造型現身，撼險走光嘅車珠英，女星韓智慧隨後亦穿上低胸tube dress騷事業線現身，其他女星金世正、高甫潔、尹真伊等人，相比之下就比較密實。

《SBS演技大賞》方面，就有張娜拉、申惠善、申東燁、李帝勳、韓銀貞、李俞英等人出席，女星金素妍更以deep V造型搶鏡。而劇集《能先接吻嗎》女星金宣兒，今日就包到冚現身，雖然唔算性感，不過擺甫士時佢就非常有氣勢，依然搶眼。

精選韓流，喺晒《娛果》
http://fb.com/appledailyent