「屌絲」係內地火紅潮語,多指出身卑微嘅年輕男性,愛上網、女神,卻想做不敢做,又不被社會認同。《南都》嘅文章話,本港宅男、毒男、電車男都近似內地屌絲,唔同係內地屌絲自認「窮矮醜」,港男就死口唔認。
文章詳列各種香港屌絲,包括乖乖仔唔夠Man嘅,例如甚少緋聞、成日陪阿媽飲茶嘅藝人馬國明,連高登仔都選佢做「男神」。文章當然冇放過高登仔,話班巴打最常喺論壇罵戰,共同興趣係呻俾女飛、俾老婆蝦。至於最紅嘅就係「向西村上春樹」,因為寫咗講北上尋歡嘅網絡小說《東莞的森林》,呢個故事仲會拍成電影。至於喺動漫節等影模嘅電車男,就被形容為專拍走光相嘅鹹濕佬。
文章又借刀殺人,引述32歲港女Jolin話香港「很多男人不肯付出真心」;報道又話《星期日檔案》內一港男Peter會將錢畀晒老婆,係「老婆奴」。