當年今日
關於我們

【個女曾經唔敢認爸爸】麥包返工辛酸俾人恰 囡囡陪瞓停車場

蘋果日報 2017/06/16 00:02

麥長青淳琳

如果親眼見到爸爸返工被人玩,做仔女點算好?
麥長青(麥包)有一子一女,大女淳琳今年17歲,細仔振瑋14歲。4年前,琳琳暑期第一次兼職做爸爸助手,俾佢見到職場辛酸。琳琳話:「嗰次係跟足兩個月,打工仔原來好受氣。有次拍劇,明明06外景,中午12點返廠後,拍多半個鐘就收工,happy可以返屋企瞓覺;點知導演話今晚10點幾先再拍,我『吓』,中間時間做乜呀?等呀?爸爸唔出聲,我又唔敢出聲,原來係要就一個人……」
當時麥包見到囡囡唔開心,都有開解,佢話:「PA都幫我改咗名,叫『06包子,廠尾太郎』,因為飯前rundown,某演員唔滿意,飯後又派rundown,我哋斷斷續續喺停車場瞓咗兩個禮拜。阿女問『爸爸點解你要妥協?係咪因為你唔夠紅,唔係主角?』Anyway,呢個係其中一個原因,但現實世界就係咁,公司投放咗咁多資源,應承咗就要做落去,PA都係做嘢,最多我以後唔同呢個演員合作。」麥包仲因為囡囡一番說話被感動,琳琳望住爸爸話:「你食粥食飯,我都冇所謂,你開心就得。」
琳琳坦言以前好怕俾人知自己係麥包個女,佢解釋:「有人會因為咁而蝦我,或對我特別好,試過有個以為好真心朋友,點知有事同佢講,換嚟對方一句『你咁叻自己搞掂啦,你阿爸邊個?』真係好嬲,之後會好小心揀朋友。」
麥包直言嗰年暑期之後,令囡囡成長咗好多,更加俾心機讀書,佢笑笑口話:「有時自己教唔到,由細到大叫佢溫書都唔聽,平時返學剷佢都唔起身。但佢做我助手嗰兩個月,佢真係掉轉頭叫我起身,O依家讀書會自動自覺。」
場地提供:深燒酒(銅鑼灣)

想隨時獲得更多親子資訊,快啲like Easy PaMa Facebook啦!
https://goo.gl/1qWM8g
empty
(攝影﹕陳慧安)
empty
琳琳講番當年往事,都覺得爸爸好委屈。
empty
麥包自爆囡囡好細個就俾佢試飲酒,女仔要俾佢知自己酒量,當然要有大人陪同啦!
empty
兩父女都好為食
empty