化妝品可以話係所有女性嘅最好恩物，唔少女生靠一手超級好嘅化妝技巧，成功化腐朽為神奇，由原本平平無奇嘅輪廓，一轉眼就變成超級靚女，而近日網上都有唔少女網民將自己嘅化妝技術放上網同大家分享，大家見到佢哋化妝技巧，都頻呼好神奇。

而韓國嘅化妝品產業發展得咁勁，唔少人都專登到當地掃貨，趁機跟足韓國女團嘅妝容嚟化。早前有韓國媒體就刊登咗七位最熱門嘅女團成員冇化妝同化咗妝嘅照片，包括少女時代嘅Tiffany、KARA嘅具荷拉、前f(x)成員Sulli、EXID嘅Hani、SISTAR嘅孝琳同昭宥及APink成員孫娜恩。

而網民睇完之後都驚訝偶像冇化妝個樣差別很大，特別係少女時代嘅Tiffany真係令人大跌眼鏡，冇化妝個樣真係幾難被粉絲認出，原本精靈嘅眼睛變得好浮腫，艷光大減。至於SISTAR嘅孝琳同昭宥洗掉又濃又厚嘅眼妝後，個樣亦都登時跌watt。而近期人氣好勁嘅Hani同孫娜恩，佢哋唔化妝個樣似足普通女仔，即係隨便行街都見好多。反而具荷拉同Sulli唔化妝個樣就差別唔多大，皮膚睇落仍然又白又滑。

而網民都有留言話：「除了化妝佢哋仲用咗電腦技巧」、「Tiffanykekekekekekeke」、「我哋應該點樣做孝琳同娜恩？咳咳」、「Tiffany唔應該公開佢嘅額頭，咁樣佢嘅臉睇起嚟好長。」