史雲斯由拜仁慕尼黑借用嘅中場連拿度辛捷士，星期日喺球隊主場以0:1輸畀紐卡素嘅英超賽事「地標」，表現雖然不似預期，但呢位葡萄牙國腳始終喺焦點所在，而且靠一招撩陰腿搶晒Fo㖭！

話說喺一次等喜鵲球員捷西斯加美斯掟界外球嘅時候，電視畫面見到喺祖斯盧辛馬田身後嘅辛捷士，跳起嘅時候右腳喺對方雙腳中間踢起，結果踢中祖斯盧辛馬田要害，令對方經歷「男人最痛」。

辛捷士今場傳球48次成功率有79%，但其他方就冇乜表現，下半場中段被調離場，唔少網民都對佢表現唔係咁滿意，甚至有人話佢係最被高估嘅球員。