【新增內容】前AV女優蒼井空元旦宣佈結婚，同其貌不揚嘅DJ NON拉埋天窗，蒼老師在閃婚後自言一直想生小朋友，早前佢一度發福仲惹來懷孕揣測，昨日蒼井空終於開腔談造人。34歲嘅蒼井空昨日寫blog透露，當忙完主演嘅深夜日劇《逃亡花》拍攝工作後，佢已同老公積極造人，不過當接受婦科檢查後，才得知其卵子質素未能成功懷孕，加上年紀開始大，令到急於做媽咪嘅蒼老師更加事不宜遲，佢會為懷孕正開始接受治療。

連日來，蒼井空在網誌談及造人計劃，透露自己卵子發育不佳，荷爾蒙檢查數值低至「絕望」，深深體會到自己年紀漸大，目前要透過飲食提升女性荷爾蒙，也考慮吃藥或打針，希望能培養出健康卵子，蒼井空就強調自己老公毫無問題，表示DJ NON在檢查後證實其精子及各方面也屬「超優秀」，揚言自己會加把勁，並答謝廣大網民及朋友嘅關心。

同時，蒼井空自拍近照，佢用手撥開左額頭髮，笑言呢個部份嘅髮毛好柔軟，十足嬰兒嘅感覺，佢仲坦言看起來有點禿。至於佢主演新劇《逃亡花》今晚於當地播出第10集，蒼井空繼續會有性感演出，佢昨晚就身在廣島，更以DJ AOI身份到當地夜場打碟。

精選娛聞，喺晒《娛果》
http://fb.com/appledailyent