趙頌茹（Yu）、黎燕珊同林雅詩等今日喺機場博覽出席「魅力香港群星演唱會」，對於前夫周永恒日前入紙再婚（新聞連結： https://bit.ly/2HkeHI5 ），阿Yu話自己作為局外人，對此冇乜感覺：「都有好多朋友話畀我知，但自己冇感覺，唔關我事。」阿Yu話反而喺度諗緊點樣同兩位囡囡講，佢話：「佢哋始終年紀仲細未必明，加上o依家又考緊試，我唔想影響佢哋，但又覺得佢哋需要知，所以仲諗緊一個合適嘅時機。」

但現在資訊發達，兩個囡囡有可能喺學校已經聽到同學談論，阿Yu話：「我都明白，希望各位家長同學睇到報道後，唔好同佢哋講住，留番等我講啦。」阿Yu又稱跟周永恒已好耐冇聯絡，佢再婚嘅消息都係睇新聞先知。咁離婚後仲有冇聯絡，例如有冇探囡囡？佢話：「囡囡嘅嘢就唔多講喇。」

精選娛聞，喺晒《娛果》
http://fb.com/appledailyent