【更新：新增影片】
「學生自殺問題關注組」約廿名成員，今早趁行會召開前，到特首辦外示威，要求政府重新審視教育制度，批評政府官員麻木不仁，對學生訴求充耳不聞。

關注組成員羅玉萍請示願時，親自質問梁振英，指現時本港學童「兩歲要讀N班，小學要考TSA，中學考DSE，大專仲要追GPA，人生除讀書外，仲有無其他嘢？」，但梁振英聞言後，只笑笑口稱：「離開學校之後，仲有好多競爭添架，人生」。當羅玉萍續指，現時本港每月都有學童自殺時，梁振英只說：「我哋好重視，我哋好重視」後，即轉身離開，未有再聽羅玉萍發言，羅玉萍繼續指出，上述問題其實是教育問題，批評政府要求港人生育率高，但TSA卻令很多學童自殺，「你有無諗過我哋感受呀？」，但梁振英未有再理會。

羅玉萍請願後接受訪問時表示，現時香港教育制度「咁Chur」情況下，不斷出現學童自殺問題，根本無可能響應政府積極生育呼籲，又指難明政府為何仍要強推小三TSA，「點解要有TSA存在？我唔明，因為TSA令好多小朋友根本承受唔到呢個壓力，而走去輕生，因為佢哋釋放唔到嗰種壓力」，批評梁振英「完全聽唔明我哋嘅訴求」，認為政府應該盡快取消TSA，中學的評估亦應取消，因為中學生要為DSE準備已很吃力。

對於梁振英今日聲稱，即使取消TSA亦要留待今年7月1日，羅玉萍批評，「等到7月其實已經太遲，因為7月1日其實個制度已開始緊，啲老師已經開始緊準備」，又擔心林鄭取消小三TSA的說法，只是「個名換咗」，「其實林鄭月娥上台的話，可能個內容一樣，只係個名換咗，只變不同英文字母組合，最好係全面取消佢」。她說現時學生應付不同考試測驗同時，還要應付不同評核制度，「根本就無時間過佢哋的童年，只有讀書、讀書同讀書」。