《九品芝麻官》入面包龍星話:「尚書大人真係機靈,風吹邊面,就向邊面擺,真係佩服,佩服!」摩連奴成為曼聯新領隊,都有好多尚書大人蒲頭,其中一位仲要係紅魔名將史高斯㖭!
是咁的,史高斯個twitteraccount係@meetrohan18,之前佢post過好段反摩tweet,話摩佬係衰人同垃圾,但寸王一做新魔君就即係share曼聯官網嘅消息,仲打咗句「終於公佈了」㖭!
仲有一位魔迷(@NoLaughingMata)都係咁,之前話寸王係一位好渣嘅領隊,仲咒摩佬死,不過曼聯一公佈咗新魔君,就話好開心摩連奴嚟到曼聯,球隊需要一位世界級主帥,雲高爾堅係要走。個立場轉得咁快,係咪令大家佩服,佩服呢!