賴：賴維銘
記：記者吳文輝

記：嚟緊賽事星期二（10月1日）舉行，知道你做定功課，有無邊個馬房你會比較睇好？

賴：告東尼馬房季初工夫唔算高調，不過得出來成績相當好，馬房兵源充足，相信今戰亦會有頭馬交出。報跑三班1400米的「忠心美麗」陣上演出不斷進步，應該有坐位望贏條件。

「忠心美麗」上季早段處於三班，經常得個近字，我認為未必關乎班次，皆因此駒無特殊竄勁，跑短途唔夠人爆好蝕底。

及後落到四班，轉跑1400米漸見好表現，終於在最後一仗利用均速，且戰且走輕勝，締出時間極佳。「忠心美麗」近日試閘紋風未動，步勁十足走勢甚佳，近期天晴天快，對此類均速馬有利，我會秤高多少。

記：告東尼今季初表現固然出色，至於另一冠軍級馬房大摩亦漸入佳境，配合馬王「美麗傳承」於10.1出擊，其他廐侶都有睇頭。

賴：摩廐馬中，我比較留意三班1800米草地賽的「任我行」，此駒上季尾轉投摩廐好快已交出表現，上仗季內首戰谷草1650米，後上不敵放頭的「興爾」得第二，不過當晚前領馬佔得頗大優勢，加上「任我行」要讓「興爾」十多磅，表現已相當唔錯。

今次轉場跑1800米我認為更合腳法，馬房全日陣容十分唔錯，此駒有條件贏番場。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港