人氣男星三浦春馬係唔少日本妹嘅理想男神，上年佢接拍著名導演行定勳嘅新片《深夜前的五分鐘》，同擔任女主角嘅內地花旦劉詩詩同埋台灣型男張孝全初結片緣。

呢套中日合作嘅新片，劉詩詩會一人分飾兩角，今日就公開咗電影海報同埋預告片，春馬同詩詩有泳裝游水場面，仲有佢哋嘅一場深情咀嘴戲份。其實《深夜前的五分鐘》係翻拍自日本作家本多孝好嘅暢銷小說《真夜中的五分前》，故事內容集懸疑、愛情於一身，今次拍成電影就搵嚟亞洲精英炮製，估計10月23日喺內地開畫會有唔錯成績。