【承認投資開酒店】買嚟方便朋友住 「橫店首富」曾志偉:買一兩間啦!
志偉陳百祥阿叻首映黃金兄弟橫店首富
阿叻今午出席活動時,話志偉「發咗達唔理人喇」,冇邀請佢出席今晚《黃金兄弟》首映,仲話志偉係「橫店富豪」、有間投資7億嘅酒店就快開幕,仲話加埋周邊嘅地,共值30、40億,阿叻仲話自己都要做志偉嘅擦鞋仔添。(新聞連結: https://bit.ly/2OB0kTU )
講到似層層,咁志偉又點講呢?佢今晚喺沙田出席《黃金兄弟》首映時,就話:「我今朝特登叮囑製片,話叻哥要親自打電話0架,你要記住!我頭先再問:『打咗未打咗未?』佢哋話打咗喇。不過你知叻哥不嬲都係咁講0架喇,佢唔得閒嚟呢,就會話我冇打0架喇。」
「叻哥上次話我幾廿億買酒店,同佢俾貼士一樣,係唔可信0架!」咁係咪真係做咗橫店首富?志偉笑言:「做咗我仲使做咩?我坐喺度啦!梗係唔係啦,打工仔!」
咁係咪真係開酒店?志偉承認此事,但強調自己只佔少少股份,「因為橫店我哋拍戲成日都會住,咁買一兩間,朋友拍戲都會住嗰度。」買一兩間???志偉好謙咁話:「係咁上下啫係咁上下啫!」買一兩棟至真呀?佢就連聲說:「冇喇冇喇,邊有咁勁吖!」
志偉承認開酒店,但強調自己只佔少少股份,「因為橫店我哋拍戲成日都會住,咁買一兩間,朋友拍戲都會住嗰度。」
「叻哥上次話我幾廿億買酒店,同佢俾貼士一樣,係唔可信0架!」