皇家馬德里前鋒基斯坦奴朗拿度（C朗）話自己係有史以嚟最出色嘅足球員，有幾多人認同真係唔知道，不過銀河艦隊教練施丹就話，呢樣嘢根本無得好拗，因為C朗真係有史以嚟最好波嘅球員！

呢位曾經喺1998年贏過金球獎嘅法國前球王表示：「的確，有好多球員喺皇馬創造過歷史，但無人做過佢做到嘅嘢，數據已經講明一切。佢所做嘅真係無得頂，所以C朗咁講係啱嘅。」施丹認為，C朗幫皇馬上陣412場射入418球，仲贏過26項錦標，係最有力嘅數據。

施丹亦都話：「我自己當然更加好，如果只可以揀一個人，我實揀我自己。不過，講真吖，你哋都知道我覺得C朗係勁好多，雖然我嘅足球生涯都係唔錯。已經無字可以用嚟形容C朗，佢每日、每場比賽所做嘅嘢都好厲害，佢喺皇馬創造咗好多歷史，亦一直無停過，我希望佢到退休前都keep住係咁就最好。」

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM