出年就係譚詠麟入行40周年，明年二月農曆年檔期，佢會喺紅館舉行演唱會慶祝，今日佢去到商台做宣傳，明年仲要推出一本自傳，講番佢入行40年嘅點滴，佢話自傳形式係佢口述，再搵筆者代勞，所以今次內容真實性好多。

入行至今做過無數訪問，譚詠麟話:「我都未試過做訪問做咗六日，花咗近80個鐘頭，內容大部份講工作。」為咗配合內容，佢都要專登去搵番啲舊相。講到有冇家庭照，佢話梗係有，仲反問係咪指細個嗰啲，當指係現時家庭照，佢話:「梗係冇、梗係唔會有。」為求令內容更全面，阿倫身邊好友們都會分享下對佢嘅感受，佢強調絕對唔會限制大家講嘅內容。