其做法引起不少網民不滿，幸福醫藥CEO黎元輝透露，當時出帖文後隨即有醫生致電投訴，唯有下架，「當沾染到政治就盡量淡化，不過我哋若唔踩吓界，都唔會令人有共鳴。」
他表示，雖然曾經撞板，但若高層凡事控制，品牌就不會有年輕化對話，亦不能追上潮流，因此都會放手讓同事發揮。父親黎用冠為公司創辦人，出盡心力更做到84歲，黎元輝自問毅力未必及父親，「但做到都會繼續做！」
生活不只得工作，興趣調劑同樣重要，「我認為Work Hard，Play Harder。好老實，我請得佢哋（員工），工作經驗、知識、能力都比我高，所以如果唔善用咪即係搵自己笨，哈哈！」
黎元輝每星期都會健身及打高爾夫球，談起攝影更興味盎然。他尤愛街頭攝影，月尾更會前往古巴參加攝影旅行團，「唔鍾意搵Model影，反而最自然嘅行人先有挑戰性，點樣調較角度、光暗、表情等。」