AKB唔識BBQ齋儍笑
蘋果AKB48新幹線即時峯岸南柏木由紀SKE48指原莉乃北原里英橫山由依宮澤佐江
北原里英(左)同橫山由依搞到啲食物着晒火都淨係識笑。
(左起)峯岸南、柏木由紀同指原莉乃可謂係緋聞三人組。
日本組合AKB48一大班成員噚日好得閒咁去咗BBQ,原來佢哋原本有工作,但後來取消咗,於是高橋南就帶成班成員去燒嘢食。指原莉乃、峯岸南同柏木由紀三個曾經被爆緋聞嘅成員一齊合照,可以話係緋聞三人組。而佢哋燒嘢食嘅技巧似乎麻麻地,北原里英同橫山由依雞手鴨腳咁,搞到啲豬排雞排全部着晒火,佢哋唔知點算淨係識得儍笑。
此外,日本新幹線一列車噚日發生乘客自焚事件,新幹線因而停駛多個小時,影響到一眾藝人工作受阻,SKE48有幾名成員就趕唔切返SKE大本營名古屋劇場開騷,要臨時找其他成員做替工,亦有成員未趕及電台直播節目,搞到隊長宮澤佐江要喺網上留言向粉絲道歉。