迷倒萬千女士嘅電視劇《色慾都市》（SexAndTheCity）電影版，將於5月30日喺美國上映。雖然距離上畫仲有成4個月時間，但有網友特地做咗個名叫「SexAndTheCityMovieBlog」嘅電影網誌，每日都會更新4位主角嘅消息，啱晒一眾《色》迷。
喺呢個網誌入面，有好多《色》片嘅拍攝花絮同片段，包括莎拉謝茜嘉柏嘉（SarahJessicaParker）在內等4位主角出席每個宣傳新片活動嘅情況，仲有片中主角所着嘅戲服牌子大解構。日前網主仲將飾演Samantha嘅甘卡拉圖（KimCattrall）同片中飾演佢男友嘅JasonLewis喺海灘纏綿嘅拍攝片段放上網，非常火辣。