德甲球隊史浩克04中場哥列斯卡表示，將會喺明年一月決定自己去向。呢位廿二歲嘅德國新星認為，佢係時候尋覓職業生涯下一步係點。

哥列斯卡今季喺德甲已經射入4球，暑假踢嘅洲際杯，代表德國隊更加係大放異彩，射入3球，協助德國奪冠。儘管04已經開出球隊歷史上最高薪留人，不過睇返上年嘅利萊辛尼，同今年嘅哥拉辛拿斯，離開之後都有好表現，睇怕04留得住佢嘅機會都凍過水。咁潛在嘅新東家有邊幾隊？據報對哥列斯卡有興趣嘅球會有曼聯、阿仙奴、巴塞、祖記，拜仁等大會。最緊要，佢係今夏約滿自由轉會，呢次仲唔爭崩頭！

----------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2xrTKGM