現年25歲嘅韓國「國民妹妹」IU人美歌甜，獲唔少粉絲喜愛及支持，不過唔經唔覺IU已經出道10年。

IU噚日喺韓國舉行出道10周年嘅粉絲見面會，而見面會嘅主題係「電影主角」，所以一眾粉絲為咗吸引IU注意，紛紛開始cosplay唔同造型，包括變身做公主、史力加、恐龍等，十分搞笑，至於IU就扮成《阿拉丁》嘅茉莉公主，一樣咁靚女。是次見面會上，IU唔止同粉絲玩遊戲，更喺表演途中落台與粉絲近距離接觸，好不親民。

而一向愛錫粉絲嘅IU，為咗未成年嘅粉絲可以早啲睇完騷並安全返屋企，就特地將見面會分成兩場，未成年嘅粉絲就參加下午場，而20歲以上嘅粉絲參加晚上場，相當貼心。

精選韓流，喺晒《娛果》
http://fb.com/appledailyent