韓國天團BIGBANG嘅T.O.P早前佢終於開通Instagram，點知佢就好似玩上癮咁，不時狂上載新相，粉絲當然好開心啦，特別見到佢自拍啲靚仔相，粉絲梗係即時收藏啦，但係佢呢兩日上載嘅相就令人大感好感，佢前晚就上載多張有關豬嘅相片，當中包括被困喺豬圈內嘅豬，又有沾滿泥嘅豬，仲有豬屁股嘅特寫。

由於T.O.P本身嘅IG有唔少粉絲，大家睇到呢啲相都覺得好驚訝，亦即時惹嚟網民嘅猜測，雖然T.O.P喺噚日已經刪除咗照片，但係網民都繼續猜測，有啲就覺得可以同佢和G-DRAGON組成嘅小分隊「GD&TOP」嘅新歌MV有關，估計新歌MV同豬有關，亦有估計T.O.P受到打擊，因為佢嘅前緋聞女友申敏兒剛剛爆出同金宇彬嘅新戀情，有網民就猜測T.O.P受到打擊，所以先上載照片發洩。

雖然T.O.P就刪除咗啲豬豬相，亦都冇交代點解會放呢啲相，但係佢噚日上午就又發功，上載一張自拍照，不過呢張照片佢個樣就幾嚴肅，最弊係臉上流着血，鼻子又貼住膠布，成張相嘅氣氛都好唔尋常，搞到啲粉絲都好擔心佢，但係因為知道佢同GD拍緊MV，所以大家相信呢個應該係佢MV中嘅造型
ragon和TOP目前正在拍攝新曲的MV，所以使大家都猜測這是否是MV中的新造型。

由於T.O.P上載相片又刪除相片嘅行為令粉絲感到奇怪，有人就質疑佢個帳號可能被人盜用咗，不過佢所屬嘅YG事務所噚日就回應話：「帳號冇被盜，至於點解上傳呢啲照片嘅理由，我哋就向T.O.P本人確認中。」