【港姐初選】哨牙Jenny惡鬥鄉音姐 闊面LuLu晒路飛look
蘋果日報 2020/06/30 11:50
港姐面試
今日晨早，78位候選港姐入電視城進行真人面試，在照妖鏡下無所遁形，最出位首選21歲Jenny，未畢業，讀緊歷史同Business，重點係佢哨牙；另一位着黑色tube dress的佳麗黃茝荍（Ceci）27歲，任職生物科技基金行政助理，外表老成持重，左胸仲唧出一嚿贅肉。
可能以為白色就係仙氣，唔少「佳麗」都係着白裙出戰，包括「喱士透視姐」鄺靜汶、大熱郭栢妍、露肩陳詠斯、Yancy、譚佩兒、何萬珊等，而26歲「拖喼大媽」吳秀明着粉紅紗裙，拖住一個豹紋喼到場，喼比人搶鏡，影相時狂擺甫士，「喼裏面有鞋同比堅尼，自己優勝處係有一顆善良嘅心。」
23歲「鄉音姐」孔雯蕙由上海來港，在浸大讀書，廣東話都唔係好識講，「我係上海人，舊年嚟香港，有臨時身份證。」21歲Jenny同樣講嘢有口音，兼且身材矮小，「未係永久香港居民，知道呢份係筍工，想挑戰自己，唔覺得矮係輸蝕。」
身材最矮的是26歲鍾恩褀，158cm，以佢5呎2吋嘅高度，聲稱自己係freelance嘅模特兒同演員，承認自己身形輸蝕，但都想參選吓。另一位佳麗曾綽瑤就比佢高2cm、有160cm。
今年都有混血兒出戰，就係25歲有加拿大血統的陳希文，不過佢就擺老人家做擋箭牌，指選港姐係想公公婆婆開心，問到係咪被迫參選？她表示：「有少少啦。」而有MK加老銅「混血兒」嘅候選佳麗，包括有27歲張艾佳、 23歲陳煦凝（Amber）、24歲黃凱怡（Yuki） 、24歲豪臀錢若喬、 25歲陳少平（Paria），衣着打扮都有地區特色。
着紅裙襯圓邊帽的「闊面LuLu」黎懿霆 23歲，在英國讀緊心理學，問到有冇心信入圍？坦言：「都冇諗，主要想突破自己。」她的奇特造型似足《海賊王》路飛。
20歲曾綽瑤（Yoyo）在城大讀法律，問係咪想做第二個麥明詩？佢話：「我都想佢咁優秀。」23歲Christina指自己跳了6年國標舞，選美係由細到大目標，希望入圍可以表演跳舞。22歲「翻版何超蓮」梁懿婷在美國洲立大學讀完傳媒與影觀設計，覺得港姐係筍工，「都適合我，自己啱啱畢業。」問到介唔介意每個月得一千蚊人工？她就避開冇回答。
21歲Jenny外形嬌滴滴，愛跳中國舞，講嘢有啲鄉音，她坦言未係永久香港居民。
26歲鍾恩褀（Yanki）身高僅158cm，中學畢業，自稱model及演員。
23歲廖慧儀（Jessica）是另一大熱門，對自己頗有信心，否認男友做警察，指他不方便到場。
23歲「大面謝安琪」何萬珊讀中大護理學士課程。
(左起）23歲蔡小蝶、25歲李洛怡、19歲周筱褀。
19歲郭歡瑤在美國讀心理學，仍未畢業。
23歲「闊面LuLu」黎懿霆以騎呢look現身，在英國倫敦大學讀心理學，之後會讀Master。
連佳麗（Kelly）覺得自己笑容最吸引人，被問網民好鍾意佢個名，她笑笑口講：「多謝。」
23歲黎秀嫻（Hanna）現時做marketing，指優勝之處比較容易笑，有親和力。
23歲孔雯蕙是上海人，上年先嚟香港讀浸大，拎臨時身份證報名；26歲吳燚曦是模特兒，上年拍過電影，不過仍未上映。
19歲潘紫詠由阿媽陪伴到場，她由西班牙回港，目前在香港讀工商管理，強項是唱歌及跳舞。
（左起）26歲尹樂怡上年參選過，希望今次大家睇到佢嘅進步；25歲陳少平（Paria）做保險代購，加入大台係佢嘅夢想；24歲譚惟恩（Vivian）做Officer。
23歲Maisie稱胞姊是2016年落選港姐鄺美淇，Maisie則在加拿大回港工作，希望今次嚟比家姐行得更遠，目前正努力減磅。
23歲候嘉欣（Michelle）笑言之前在網上直播時，個妝太濃、鼻影太重，所以今日以淡妝示人，目前讀倫敦藝術大學。
21歲「哨牙達哥」Jenny讀歷史及Business。
19歲「怪誕新娘」司徒稀琳（Helen）着白色露膊裙，即使化妝都遮唔到佢個特大黑眼圈。
Blanche（左）及Flora（右）打扮甚有國產味。
27歲黃茝荍（Ceci）在UCLA讀亞洲文化，目前做生物科技基金行政助理。
23歲張凱琳於理工大學服裝及紡織系畢業， 2018曾參加亞洲太平洋國際小姐。