最近香港搞嘅體育盛事一浪接一浪，利物浦嘅奧雲嚟完，又到皇馬嘅碧咸等；籃球方面，NBA球星姚明同巴特爾下個月六號會喺香港同澳洲隊對壘。
咁多球星訪港，其實好大程度係出於沙士一役後，政府想省靚招牌先咁揼本，咁又令八方諗番起沙士事件中受害最深嘅家庭，其中一位住喺淘大嘅五歲小朋友斐斐，媽咪不幸因沙士去世，李麗娟知道斐斐係奧雲球迷，之前專程為佢張羅奧雲簽名海報。
今次李麗娟去加拿大度假，離港前專登叫同事為斐斐一家四口買利物浦球賽門票，大會更會安排斐斐同偶像見面，八方都為佢高興。



傳真︰2623-9278
電郵︰[email protected]