當年今日
關於我們

消費blog︰白酒、梳打水洗紅酒迹

蘋果日報 2007/11/19 00:00


我早排同幾位行家一齊去澳門威尼斯食正嘢,試吓法國菜、飲紅酒同食牛扒。
去到餐廳,waiter幫大家倒完杯紅酒冇幾耐,同行嘅阿Grace就好論盡打翻咗杯紅酒,啲酒仲濺落佢件白衫度。好彩個靚仔侍應好細心,即刻教Grace用白酒清潔紅酒迹,另一位同行Gray插嘴話用梳打水都得,兩位男士就爭住服侍呢位女士,結果大家都成功咗。Grace笑到見牙唔見眼!
究竟點解紅酒迹可以用白酒洗得甩?中大生化系客席教授曹宏威解釋,紅酒屬乙醇,色素可以同水融合,如果唔小心染咗紅酒迹,曹博士話可以用含鹼性嘅物質嚟洗,所以白酒同梳打水都可以融到。至於其他酒可唔可以呢?曹博士講笑話,可能煮餸用嘅燒酒都得,仲平啲㖭,不過唔知要洗幾耐先至洗得甩晒!
逢周一至周四刊出