上星期有報道指有女士嘅假睫毛着火，點解佢會火遮眼？因假睫毛黏膠未乾透所致。原來膠水中的化學成份屬高度易燃物質，由於膠水屬揮發及乾燥，在未乾透下女事主便取出香煙燃點，結果煙火燃着膠水揮發出來的易燃氣體，即時搶火並燒傷其頰。所以各位靚女，以後謹記一定要待膠水乾透後才好點火。

咪以為買咗假睫毛同膠水就能把睫毛黐上眼，唔識竅門分分鐘黐極都黐唔到，記住做足以下準備，跟實化妝師教路，得閒多點練習，自然熟能生巧啦！

工具：假睫毛、膠水、睫毛夾、睫毛液、棉花棒。

化妝師Meegan教路剪睫毛時要跟眼形，眼頭位剪短一點，眼尾長點，左右不可換轉，要貼近真睫毛。「膠水不可塗太多，否則會有膠水迹；太少又好易令假毛彈出來。黐睫毛後可能要補畫眼線，視乎假睫毛邊緣位是否透明。」

單手由眼頭位向外扯出，最緊要慢慢來，唔好心急，粗暴對待不但令假睫毛屈曲甚至折斷，更有可能令眼皮鬆弛，到時喊都無謂！

shuuemura　22657582
RMK　28650941
May'sCompany　23698789

睫毛就如衣裳，跟衣服一樣都要配搭場合，花少少時間挑選一小撮七彩假睫毛，只要配襯得宜，即時魅力大增，成為眾人焦點！

返工日日塗黑色睫毛液，放假仲唔鬆一下，拋開黑色枷鎖，黐上七彩睫毛行街街，低調中見突出。

去Ball或夜晚出去蒲，邊個唔想全世界望住你，大膽選擇以下幾款「舞台專用」假睫毛，造型突出，即使撞衫撞鞋撞到九彩，我都唔信有人會同你撞睫毛！

如果想塑造鳳眼引鬼，可以選擇以下款式，令你更隨心所欲地創造不同眼形。