「只怪自己太急搵工，俾佢哋睇穿，被無良僱主有機可乘！」一向從事保安工作的湯先生，失業兩個月以來，不斷積極找尋工作。本月初他從報章看到一則招聘廣告：「偵探社聘請跟蹤及調查員多名，有訓練，全職，兼職……」湯先生隨即致電查詢並相約應徵。

合約苛刻要求退款
湯先生憶述，當日他根據偵探社指示，前往其位於太子彌敦道一商業大廈的辦公室「見工」，負責人着他填寫簡單履歷及回答幾條簡單問題後便表示聘請他，月薪八千元，另有花紅，他馬上答應，負責人稱他須先付三百五十元法律課程費用。
「搵咗個幾月工，難得肯即時請我立即畀錢，當時都唔醒起佢哋根本無問我做過乜嘢，更無簽過合約。」
湯先生說，他事後與家人商量時均覺可疑，次日即到偵探社索取合約，當他拿着那份共三頁的合約仔細察看才發現，內有多項苛刻條款，如：僱員不得推搪超時工作、員工需完成整件案件才有獎金、遲到早退每分鐘扣一元，嚴重者則即時解僱而不作補償……等；「根本好難會遵從晒佢哋所訂嘅內容，如果違反又可以炒你而唔使賠；愈諗愈唔妥，根本做唔到。」他隨即表示不會受僱、並要求發還三百五十元課程費用。
「佢哋竟然話，係你自願畀，你又唔係儍嘅，點解唔睇清楚諗清楚，𠵱家一毫子都無得退㗎喇！」湯先生指當時對方更不斷電召多人到場，他立即報警求助。